PELETHRONII

PELETHRONII

Lapithae a Pelethronio oppido Pelio monti subiecto sic dicti. Hi primi omnium frenorum usu invenisse dicuntur, et equorum domandorum artem. Virg. Georg. l. 3. v. 115.

Frena Pelethronii Lapithae, gyrosque dedêre

Impsoti dorso; atque equitem docuêre sub armis

Insultare solo, et gressus glomerare superbos.

Aliter autem Plinius, l. 7. c. 56. ubi Pelethronium virum quendam nominat, qui primus strata equorum, et frenos invenerit. Et, ut videas, inquit de la Cerda, nihil in hac re firmum: Lysias gravis orator, εν τῷ λόγῳ ἐπιταφίῳ ita ait, loquens de Amazonibus: Πρῶται δὲ τῶ πάντων ἐφ᾿ ἵππους ἀναβᾶσαι. Ideoque forsan Pindarus illas ἐυίππους vocat Od. 8. Olymp. Quin Plinius ibidem primam gloriam equitationis Bellerophonti tribuit. Et Aelian. l. 9. Var. Hist. c. 16. viro cuidam Italo, quem scribit nominatum fuisse Marem, de quo Itali ipsi fabulabantur, fuisse anteriore parte hominem, posteriore equum. Quem vulgi sermonem ita explicat auctor: Δοκεῖ δέ μοι πρῶτος ἵππον ἀναβῆναι, καὶ ἐμβαλεῖν ἀυτῷ καλινὸν, εἶτα ἐκ τούτου διφυὴς πιςτευθῆναι. Sophocles in Oedipo Colon. inventionem freni Neptuno tribuit, saltem in Attica. Ad quam opinionem allusit Papinius l. 6. Theb. v. 303.

————— Neptunus equo, (si certa priorum

Fama) patet, primus teneris laesisse lupatis

Ora, et litoreo domitasse in pulvere fertur.

Palaephatus autem c. 1. et plerique alii hoc inventum Centauris attribuunt; πρότερον (inquit) γὰρ οὐκ ἐπίςταντο ἐφ᾿ ἵππων ὀχεῖςθαι, ἀλλὰ μόνον ἅρμασιν ἐχρῶντο. Hoc placitum Virgilio ubi supra, et merito. Iuvant enim eius sententiam versus isti Manilii Astronomic. l. 4.

At quibus in bifero Centauri corpore sors est

Nascendi concessa, libet coniungere currus

Ardentes et equos ad mollia ducere frena.

Nic. Lloydius.